Bugun Nurafshon shahrida Xalq deputatlari Toshkent viloyati Kengashining navbatdagi sakkizinchi sessiyasi boʻlib oʻtdi. Unda sessiyaga aloqadar tashkilot rahbarlari va ommaviy axborot vositalari vakillari qatnashdi.

Kun tartibiga yettita masala kiritildi. Xususan, majlisda deputatlar aholi muammolari bilan ishlash tizimini yanada takomillashtirish, jinoyatchilikka qarshi kurashish, mahalliy byudjet kabi yo'nalishlarda bajarilgan ishlar holati hamda belgilangan masalalarni muhokama qildilar.

O‘zbekiston Respublikasi Oliy Majlis Senati devoni hududiy vakillik organlari faoliyatini o‘rganish markazining xatiga asosan, Xalq deputatlari Yuqori Chirchiq, Oqqo‘rg‘on tuman va Bekobod, Chirchiq, Yangiyo‘l shahar Kengashlarining ayrim qarorlarini bekor qilish to‘g‘risida muhokama qilindi.

Shuningdek, 2025-yilda “Zarbdor” tajribasi asosida sanoat, xizmat ko‘rsatish va qishloq xo‘jaligi sohalarida “drayver” loyihalariga muhandislik-kommunikatsiya tarmoqlari bilan ta’minlash bo‘yicha ishchi guruh tomonidan shakllantirilgan dastlabki manzilli ro‘yxat ko‘rib chiqildi hamda kun tartibidagi masalalar yuzasidan mas'ullarning axboroti tinglandi.

Sessiya ishini Xalq deputatlari Toshkent viloyati Kengashi raisi S.Fayziyeva olib bordi.