Senator ta'lim maskanidagi qurilish ishlari bilan tanishdi

O'zbekiston Respublikasi Oliy Majlis Senatning Yoshlar, xotin-qizlar, madaniyat va sport masalalari qo‘mitasida doimiy asosda ishlovchi senator Malika Kadirxonova,tuman deputatlari va mas'ullar hamrohligida Qibray tumanidagi Boyjigit mahallasida 90 o'ringa mo'ljallangan yangi maktabgacha ta'lim tashkilotining qurilish ishlarini ko'zdan kechirdi.Shuningdek, senator aholi vakillari bilan suhbatlashib, ularning muammo va murojaatlarini o'rgandi.

Avvalroq, senator M.Kadirxanova va tuman deputati D.Yusupovlar ishtirokida o'tkazilgan qabul davomida Boyjigit mahalla fuqarolarining mahallada davlat maktabgacha ta'lim tashkilotini tashkil etishda amaliy yordam so'rab yo'llagan murojaatlariga asosan, investitsiya davlat dasturi doirasida 3,5 mlrd so'm mablag ajratilib, qurilish ishlari boshlangan edi.