Xalq deputatlari Konimex tuman Kengashiga 14-Sarjal saylov okrugidan saylangan deputat Kushkarbekov Batirxan Usenovich Sarjal ovulida saylovchilar bilan uchrashuv o‘tkazdi. 

Uchrashuv davomida deputat o‘tgan davr mobaynida amalga oshirgan ishlari, saylovchilar manfaatlarini himoya qilish yo‘lidagi sa’y-harakatlari va oldinda turgan ustuvor vazifalar haqida batafsil ma’lumot berdi.

Uchrashuvda asosiy e’tibor qishloq xo‘jaligi, ichimlik suvi ta’minoti, ekologik muammolar va infratuzilma masalalariga qaratildi. Fuqarolar tomonidan bildirilgan murojaatlarning aksariyati joyida huquqiy maslahat va amaliy ko‘rsatmalar asosida hal etildi. Deputat mas’ul tashkilotlar bilan hamkorlikda ish olib borishi lozim bo‘lgan ayrim murojaatlarni nazoratga olib, ularni tegishli idoralar bilan yechim topish bo‘yicha zarur chora-tadbirlarni belgilab oldi.