Ózbekstan Ekologiyalıq partiyası Qaraózek rayonlıq Keńesi hám Xalıq deputatları rayonlıq Keńesindegi deputatlıq toparı tárepinen rayon hákimligi menen birgelikte jámiyetlik esittiriwi shólkemlestirildi. Ilájǵa rayon hákimligi, deputatlar, mákeme, shólkem basshıları, ǵalaba xabar quralları wákilleri hám partiya belsendileri qatnastı. Májiliste «Jasıl mákan» ulıwmaxalıqlıq joybarı sheńberinde 2024-jıl dawamında ámelge asırılǵan jumıslar hám 2025-jılda isleniwi tiyis wazıypalar, sonday-aq, áhmiyetli akciya dawamında hár bir aymaqta kóshe boyların abadanlastırıw hám miywe nállerin sapalı etip egiw baǵdarında tiyisli mákeme, shólkem wákilleriniń esabatları tıńlandı. Qaraózek rayonında ulıwmaxalıqlıq joybar sheńberinde 2025-jıldıń báhár máwsiminde 470 mıń túp terek hám miyweli nállerin otırǵızıw jumısları shólkemlestiriliwi belgilengen.