Bugun tabiat va jamiyat o‘rtasidagi munosabat g‘oyat jiddiylashgan. Ozgina e’tiborsizlik tabiatga kattagina zarar keltirsa, bu jarayon jamiyatga ham yaxshigina salbiy ta’sir ko‘rsatadi. Shunday ekan, aholi o‘rtasida sohaga doir qonunlar targ‘ibotini kuchaytirish, yurtdoshlarimizning ekologik madaniyatini oshirish muhim vazifadir.

Xalq deputatlari Urganch shahar Kengashi deputatlari bu borada muhtaram Prezidentimizning tashabbuslari bilan tomorqalardan foydalanishda mutlaqo yangi munosabatlar joriy etilganligi yuzasidan targ‘ibot-tashviqot ishlarini olib
bormoqdalar.

Bugun shahrimizdagi “Gulshan” mahallasi hududidagi ko‘p qavatli uylar atroflarini ko‘kalamzorlashtirish, kichik tomorqa yerlaridan samarali foydalanish bo‘yicha tizimli ishlar olib borilayotganligini kuzatish mumkin.

Bahor nafasi barq urgan ayni kunlarda shahrimiz jozibadorligini yanada oshirish uchun atrof-muhitni muhofaza qilish, ko‘kalamzorlashtirish va tomorqadan unumli foydalanish muhim omil ekanligi yuzasidan ko‘p qavatli uylar mulkdorlari
o‘rtasida targ‘ibot tadbirlari o‘tkazildi.