Жорий йилнинг 24 март куни  Халқ депутатлари Учқудуқ туман Кенгашининг OʻzLiDeР депутатлик гуруҳи томонидан  иш режанинг тегишли банди ижросини таъминлаш мақсадида Ижтимоий ҳимоя миллий агентлиги Учқудуқ тумани Инсон ижтимоий ҳимоя маркази бошлиғи Худойқулов Умар Холмаматович томонидан Ўзбекистон Республикаси Президентининг 2024 йил 18 июлдаги "Аҳолини давлат томонидан ижтимоий қўллаб-қувватлаш тартибини тубдан такомиллаштириш тўғрисидаги" ПҚ-267-сонли Қарори ижроси юзасидан амалга оширилган ишлар бўйича ахбороти тингланди. Ташкил этилган эшитув давомида мутасадди ташкилот томонидан олиб борилган ишлар рақамлар кесимида таҳлил этилди. Туманда аҳолига кўрсатилган ижтимоий ёрдамлар, жумладан ногиронлиги бўлган шахслар ҳамда якка ёлғиз кексаларга кўрсатилаётган ижтимоий хизматлар қай даражада олиб борилаётганлиги тўғрисида сўз юритилди ва депутатлик гуруҳи аъзолари томонидан билдирилган қатор саволларга атрофлича жавоб қайтарилди.