Bugun Termiz tumani hokimligida Termiz tumani Korrupsiyaga qarshi kurashish komissiyasi a’zolari ishtirokida korrupsiyaga qarshi kurashish hamda uni oldini olish yuzasidan yig‘ilish bo‘lib o‘tdi.

Yig‘ilishda Termiz tuman Korrupsiyaga qarshi kurashish komissiya tarkibidagi barcha aloqador shaxslar ishtirok etdi.

Mazkur tadbirda Termiz tuman hokimi,Korrupsiyaga qarshi kurashish komissiyasi raisi, Sh.Nazarov tomonidan korrupsiya va uning salbiy oqibatlari, xizmat vazifasini bajarish chog‘ida ta’magirlik holatlariga yo‘l qo‘ymaslik, lavozimidan o‘z manfaatlari yo‘lida foydalanmaslik borasida so‘z yuritildi.

Shuningdek, yig‘ilishda korrupsiyaga qarshi kurashishning asosiy vazifalari, uni keltirib chiqaruvchi xavfni baholash va boshqarish, fuqarolarning huquqiy ongi va huquqiy madaniyatini yuksaltirish, ushbu illatga imkon beruvchi sabablar va shart-sharoitlarni bartaraf etishga doir chora-tadbirlar muhokama qilindi.