Joriy yilning 5-fevral kuni xalq deputatlari Xorazm viloyati Kengashi hamda Oʻzbekiston Nogironlar Assotsiatsiyasi Xorazm viloyati hududiy boʻlimi oʻrtasida “Mamlakatimizda nogironligi boʻlgan shaxslarni qoʻllab-quvvatlashga oid davlat siyosatini amalga oshirish sohasida oʻzaro hamkorlik toʻgʻrisida”gi memorandum imzolandi.

Mazkur memorandum bilan xalq deputatlari viloyat Kengashi va Oʻzbekiston Nogironlar Assotsiatsiyasi viloyat hududiy boʻlimi oʻrtasida mamlakatimizda nogironlarga oid davlat siyosati doirasida qabul qilinayotgan qonun, Farmon va qarorlarni hududlarda ijrosi yuzasidan jamoatchilik nazoratini oʻrnatish, ijtimoiy muhofazaga muhtoj nogironligi boʻlgan shaxslarni har tomonlama qoʻllab-quvvatlash masalalari yuzasidan oʻzaro hamkorlikning mazmuni, yoʻnalishlari va tartibi belgilandi.

Shuningdek, tadbir davomda Oʻzbekiston Nogironlar Assotsiatsiyasi Xorazm viloyati hududiy boʻlimining 2025-yil uchun ish rejasi tasdiqlandi.