Xalq deputatlari Chinoz tumani Kengashi deputati Xafizov Hikmatilla Hamidullayevich o‘zi saylangan okrugdagi “Beshkapa” mahallada bo‘lib, hududda amalga oshirilayotgan ishlar va sharoitlar bilan tanishdi. Deputat, shuningdek, “Mahalla yettiligi” dasturi doirasida o‘tkazilgan uchrashuvda mahalladagi dolzarb muammolarni tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Zafar Sultonov, O‘zbekiston mahallalari uyushmasi tuman bo‘limi boshlig‘I Sherzod Mamajonov hamda “Beshkapa” MFY raisi Yusufjon Qodirovlar bilan birgalikda muhokama qilishdi. Mahallada bajarilishi kerak bo‘lgan ishlarni tahlil qilib, ularni bartaraf etish bo‘yicha aniq rejalar tuzish hamda kelgusi ishlar ustida kelishib olishga erishildi.

Bunday tashriflar va uchrashuvlar mahallalardagi muammolarni hal qilish, aholining ehtiyojlarini tushunish va samarali yechimlar topish uchun juda muhimdir. Bu kabi harakatlar mahallalar rivojlanishiga va aholining turmush sharoitlarini yaxshilashga yordam beradi.