Yoshlarda Vatanga sadoqat hissini uyg‘otish, amalga oshirilayotgan islohotlar bilan tanishishlarida keksa avlod vakillari bilan o‘tkazilayotgan uchrashuvlarning ahamiyati katta. Albatta, bu kabi uchrashuvlarda bugungi tinch va osuda kunlarga shukronalik, yoshlar uchun yaratilayotgan imkoniyatlardan unumli foydalanish lozimligi ta’kidlanadi.

️Bugun shahrimizning “Yakkabog‘” mahallasida joylashgan 9-umumta’lim maktabida shahar hokimligi, “Nuroniy” jamg‘armasi shahar bo‘limi tomonidan tashkil qilingan “Uch avlod uchrashuvi” ham mazmunli bo‘ldi.  

️Qizg‘in kechgan suhbat davomida keksa va o‘rta avlod vakillari yoshlarga o‘z fikrlarini bildirishdi. O‘quvchilar ham so‘zga chiqib, yoshlarga berilayotgan e’tibor haqida so‘z yuritdilar va albatta, kelgusida bunga munosib avlod bo‘lib voyaga yetishlari lozimligini bildirdilar.

Shuningdek tadbir yakunida shahar Madaniyat bo‘limi san’atkorlari tomonidan konsert dasturi namoyish etildi.