Ayollar muammosi deputat e’tiborida.

Xalq deputatlari Angor tumani Kengashining 3-Gilambob saylov okrugi deputati Mavlonova Ra’no tomonidan fuqarolar, ayniqsa xotin-qizlarning murojaatlari bilan ishlash holati o‘rganildi.

O‘rganish jarayonida deputat tomonidan xotin-qizlarning turli masalalardagi murojaatlari tinglanib, ularni qiynab kelayotgan muammolar yuzasidan batafsil suhbat o‘tkazildi. Jumladan, oilaviy munosabatlar, ijtimoiy qo‘llab-quvvatlash, bandlik hamda boshqa masalalar bo‘yicha murojaat etgan fuqarolarga amaliy tavsiyalar va huquqiy tushuntirishlar berildi.Shuningdek, murojaatlarda ko‘tarilgan masalalarning qonuniy yechimlari yuzasidan tegishli fikr-mulohazalar bildirildi. Ayrim murojaatlar ijrosini ta’minlash maqsadida mas’ul tashkilotlar bilan hamkorlikda ishlash belgilandi.

Deputat tomonidan fuqarolar, ayniqsa xotin-qizlarning murojaatlarini o‘z vaqtida ko‘rib chiqish va ularning muammolariga yechim topish doimiy e’tiborda ekani ta’kidlandi.