Xalq deputatlari Urganch shahar Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi S.Masharipov tomonidan sport sohasida amalga oshirilayotgan ishlarni o‘rganish maqsadida deputat so‘rovi yuborildi.

Deputat so‘rovi O‘zbekiston Respublikasining "Mahalliy davlat hokimiyati to‘g‘risida"gi Qonuni hamda amaldagi normativ-huquqiy hujjatlar talablariga muvofiq shakllantirildi.

📊 So‘rovda quyidagi masalalar yuzasidan batafsil ma'lumot va hisobot taqdim etish so‘ralgan:

✅ 2026-yil birinchi yarim yillikda jismoniy tarbiya va sportni ommalashtirish bo‘yicha amalga oshirilgan tadbirlar;

🏆 "Besh tashabbus olimpiadasi" doirasidagi musobaqalar natijalari va ishtirokchilar ko‘rsatkichlari;

🏟 Sport inshootlarining texnik holati va ulardan foydalanish samaradorligi;

💰 Budjet mablag‘larining maqsadli sarflanishi va natijadorlik ko‘rsatkichlari;

📈 Sohadagi muammolar hamda ularni bartaraf etish bo‘yicha ustuvor vazifalar.