Xalq deputatlari Karmana tumani Kengashi kotibiyat mudiri tomonidan kunlik ish rejasiga asosan, "Katta Machit" MFY hududida joylashgan "Navoi Prom Grand" MChJ tomonidan amalga oshirilayotgan yirik loyiha o‘rganildi.
Ushbu loyihaning umumiy qiymati 27,4 mlrd. so‘mni tashkil etib, hududda zamonaviy Maxsus texnikalar savdosini tashkil etishga qaratilgan. Loyiha doirasida olib borilayotgan ishlar, qurilish va tashkiliy jarayonlar ko‘zdan kechirilib, korxonaning istiqboldagi rejalari muhokama qilindi.
➡️"NPG.GROUP" ("NAVOI PROM GRAND" MChJ) kompaniyasi Xitoy Xalq Respublikasining (XXR) dunyoga mashhur brendlari — XCMG, HOWO SINOTRUK, KAISHAN, DAHAN kabi yirik ishlab chiqaruvchilarining O‘zbekistondagi rasmiy distribyutori va dileri hisoblanadi.
➡️Kompaniya O‘zbekiston bo‘ylab qurilish sohasidagi maxsus texnikalar savdosi bilan shug‘ullanadi. Shuoningdek, mijozlarga quyidagi texnikalarni ijara va xizmat ko‘rsatish asosida ham taqdim etadi:
✔️Samosvallar;
✔️Avtobetonqorgichlar (avtobetonosmesitel) va beton nasoslari;
✔️Avtokranlar va yuklagichlar (pogruzchik) hamda boshqa maxsus texnikalar.
➡️Xalqaro hamkorlik va kafolat: "NPG.GROUP" kompaniyasi Xitoy Xalq Respublikasining yetakchi zavodlari (jumladan, Xuzhou Construction Machinery Group, SINOTRUK, CIMC, ZHEJIANG KAISHAN HEAVY INDUSTRY, DAHAN TECHNOLOGY, SHANGHAI SHIBANG MACHINERY SALES, ZHENGZHOU KAISHAN va boshqalar) bilan to‘g‘ridan-to‘g‘ri hamkorlikni yo‘lga qo‘ygan.
✅Kompaniya yuqorida qayd etilgan ishlab chiqaruvchilarning transport vositalari va maxsus texnikalarini sotish hamda ularga rasmiy servis xizmati ko‘rsatish bo‘yicha hududiy vakolatli dilerlik sertifikatiga ega.