Xalq deputatlari viloyat Kengashining 35-Qorliq saylov okrugidan saylangan deputat J.Pardayevning yordamchisi T.Abdullayev, Xalq deputatlari tuman Kengashi deputati, O‘zMTDP tuman Kengashi raisi A.Mamatmuratov, O‘zLiDeP tuman Kengashi raisi J.Hayitov hamda Xalq deputatlari tuman Kengashi kotibiyatining bosh mutaxassislari ishtirokida “Obshir” mahalla fuqarolar yig‘ini hududida joylashgan 21-sonli umumta’lim
maktabida deputatlik nazorati tadbiri o‘tkazildi. 

Tadbir davomida maktabda olib borilayotgan tom qismini rekonstruksiya ishlari, qurilish jarayonlarining belgilangan loyiha talablari asosida amalga oshirilishi, bajarilayotgan ishlarning sifati hamda qurilish muddatlariga rioya etilishi holati o‘rganildi. 

Shuningdek, ta’lim muassasasida o‘quvchilar uchun yaratilayotgan shart-sharoitlar, qurilish ishlari yakunlangandan so‘ng foydalanishga topshiriladigan obyektlarning holati va mavjud masalalar yuzasidan mutasaddilar bilan muhokamalar olib borildi. 

O‘rganish yakunlari bo‘yicha aniqlangan kamchiliklarni bartaraf etish, qurilish ishlarini sifatli va belgilangan muddatlarda yakunlash hamda ta’lim muassasasining moddiy-texnik bazasini yanada mustahkamlash yuzasidan tegishli tavsiya va takliflar berildi. 

Deputatlik nazorati tadbirlari ijtimoiy soha obyektlarida amalga oshirilayotgan ishlar samaradorligini oshirish, ajratilgan mablag‘larning maqsadli sarflanishini ta’minlash hamda aholiga munosib shart-sharoitlar yaratishga xizmat qilmoqda.