Xalq deputatlari viloyat Kengashining 35-Qorliq saylov okrugidan saylangan deputat J.Pardayevning
yordamchisi T.Abdullayev, Xalq deputatlari tuman Kengashi deputati kotibiyati mudiri M.Xo‘janov, Kengashi deputati, O‘zMTDP tuman Kengashi raisi A.Mamatmuratov, O‘zLiDEP tuman Kengashi raisi J.Hayitov va Xalq deputatlari tuman Kengashi kotibiyatining bosh mutaxassislari ishtirokida deputatlik nazorati tadbiri o‘tkazildi. 

Tadbir davomida “Bo‘ston” mahallasi hududida faoliyat yuritayotgan avtomobillarni ta’mirlash ustaxonasining faoliyati, aholiga ko‘rsatilayotgan xizmatlar sifati, tadbirkorlik faoliyatini rivojlantirish bo‘yicha amalga
oshirilayotgan ishlar hamda yangi ish o‘rinlari yaratish holati o‘rganildi. 

Shuningdek, ustaxona faoliyatini yanada kengaytirish, qo‘shimcha ish o‘rinlarini tashkil etish, aholi bandligini ta’minlash hamda ko‘rsatilayotgan xizmatlar sifatini oshirish masalalari yuzasidan mutasaddilar bilan fikr
almashildi. 

O‘rganish yakunlari bo‘yicha aniqlangan masalalarni hal etish, tadbirkorlik subyektlarini qo‘llab-quvvatlash va yangi ish o‘rinlarini yaratish ko‘rsatkichlarini yanada yaxshilash yuzasidan tegishli tavsiya va takliflar
bildirildi. Deputatlik nazorati tadbirlari hududlarda tadbirkorlikni rivojlantirish, aholi bandligini oshirish hamda iqtisodiy faollikni qo‘llab-quvvatlashga xizmat qilmoqda.