Xalq deputatlari Vobkent tumani Kengashi deputati F. Shodiyeva tashabbusi bilan mutasaddilar hamkorligida “Charmgaron” mahalla fuqarolar yigʻinida xotin-qizlar bilan ochiq muloqot va davra suhbati tashkil etildi.

📎Tadbir davomida xotin-qizlar oʻrtasida jinoyatchilik va huquqbuzarliklarning oldini olish, oilaviy ajrimlar sonini kamaytirish, shuningdek, xotin-qizlarni tazyiq va zoʻravonlikdan himoya qilish masalalari atroflicha muhokama qilindi. Shuningdek, voyaga yetmaganlar oʻrtasida erta turmush va erta nikoh holatlarining oldini olish yuzasidan tushuntirish ishlari olib borildi.

📣Davra suhbatida xotin-qizlar tadbirkorligini rivojlantirish, ularning ijtimoiy-iqtisodiy faolligini oshirish ham muhim yoʻnalishlardan biri sifatida qayd etildi. Ishtirokchilar tomonidan bildirilgan taklif va murojaatlar joyida oʻrganilib, mavjud muammolarni hal etish boʻyicha tegishli chora-tadbirlar belgilandi.

✔️Uchrashuv yakunida mutasaddilar tomonidan aholi bilan doimiy muloqotni kuchaytirish, aniqlangan muammolarni tizimli ravishda hal etish hamda xotin-qizlarning huquqiy va ijtimoiy himoyasini yanada mustahkamlash borasida aniq vazifalar belgilab olindi.