Jalaquduq tumanida “Yangi O‘zbekiston qiyofasidagi mahalla” dasturi doirasida amalga oshirilayotgan
bunyodkorlik ishlari doimiy e’tibor markazida. Xalq deputatlari Jalaquduq tuman Kengashi deputati D. Iminjanova tomonidan Hamza MFYda mazkur dastur doirasida olib borilayotgan ishlar o‘rganildi. O‘rganish jarayonida mahallada amalga oshirilayotgan obodonlashtirish, infratuzilmani yaxshilash, aholi uchun qulay
shart-sharoitlar yaratish hamda hudud qiyofasini yanada zamonaviylashtirishga qaratilgan ishlar ko‘zdan kechirildi. Shuningdek, qurilish va obodonlashtirish ishlarining sifati, belgilangan rejalarning ijrosi hamda aholi uchun yaratilayotgan imkoniyatlar yuzasidan mutasaddilar bilan fikr almashildi. Bunday
o‘rganishlar amalga oshirilayotgan loyihalarning sifatli va o‘z vaqtida bajarilishini ta’minlashga xizmat qiladi.