Xalq deputatlari tuman Kengashi qoshida tashkil etilgan Yoshlar maslahat guruhi a’zolarining siyosiy bilimlarini oshirish, mahalliy davlat hokimiyati organlari faoliyati bilan yaqindan tanishtirish maqsadida viloyat Kengashiga o‘quv-tanishuv ekskursiyasi tashkil etildi.
Ushbu tashrif davomida yoshlar viloyat Kengashida deputatlarning ish tizimi, doimiy komissiyalar faoliyati hamda qarorlar qanday ishlab chiqilishi va qabul qilinishi haqida batafsil ma’lumotga ega bo‘lishdi.
Maslahat guruhi a’zolari viloyat Kengashining tajribali kotibiyat xodimlari bilan uchrashib, o‘zlarini qiziqtirgan savollarga javob oldilar.
Bu kabi tadbirlar yoshlarning siyosiy va huquqiy madaniyatini yuksaltirish bilan bir qatorda, ularda yetakchilik qobiliyatlarini shakllantirishda ham muhim ko‘prik vazifasini o‘taydi.
Bizning yoshlar — kelajak bunyodkorlari!