Xalıq deputatları Shımbay rayonlıq Keńesi deputatlarınıń qatnasıwında nızamshılıqtaǵı
jańalıqlar, deputatlıq jumıs nátiyjeliligin arttırıw hám jámiyetshilik penen
islesiw máselelerine baǵıshlanǵan ushırasıw bolıp ótti 

Ushırasıwdı Qaraqalpaqstan
Respublikası Joqarǵı Keńesiniń Jergilikli hákimiyattıń Uákillik hám
Puqaralardıń ózin-ózi basqarıw uyımları jáne Mámleketlik uyımlardıń
ashıq-aydınlıǵın támiyinlew máseleleri komitetiniń Baslıǵı Sh.Otemisov hám
Keńes baslıǵı O.Tolıbekov ashtı hám basqarıp bardı. Sonday-aq ushırasıwǵa
rayonlıq Keńes deputatları, siyasiy partiya wákilleri, Jaslar másláhát toparı
aǵzaları, Rayon baspasóz xızmetkerleri, Rayonlıq saylaw komissiyası aǵzaları,
Máhálle jetiligi rayonlıq bólimi baslıqları qatınastı. 

Ushırasıw dawamında:  

- rayonlıq Keńes deputatlarına, óz saylaw okruglerinde
ushirasiwlar ótkeriw hám nızamshılıqtaǵı jańalıqlar, deputatlıq jumıs
nátiyjeliligin arttırıw hám jámiyetshilik penen islesiw; 

- siyasiy partiya wákilerine, baslanǵısh partiya shólkem
úlgili etip shólkemlestiriw, máhállelerde deputatlar haqqında maǵlıwmatlar
jayǵastırıw;  

- Rayon baspasóz xızmetkerlerine, deputatlar tárepinen ámelge
asırılıp atırǵan jumıslardı turaqlı túrde sociallıq tarmaqlarda jarıtıp barıw; 

- Rayonlıq saylaw komissiyasına, saylaw komissiyasınıń jıllıq
is-rejelerin islep shıǵıw hám ushaska saylawlarına tayarlıqlar kóriw; 

- Máhálle jetiligine, shıǵarılǵan qarar hám pármanlardıń
orınlanıwı boyınsha ámelge asırılǵan jumıslar sessiya kún tártibine kiritiw hám
dodalap barıw boyınsha tiyisli tapsırmalar berildi.