ТАДБИРКОРЛАР ФАОЛИЯТИ ВА МУАММОЛАРИ ЎРГАНИЛДИ
Халқ депутатлари Янгиқўрғон тумани Кенгаши депутати Мутавалиев Олимхон Умриллаевич томонидан сайлов округида жойлашган тадбиркорлик субъектлари фаолияти ўрганилди.
Ўрганиш давомида тадбиркорлик объектларида амалга оширилаётган ишлар, ишлаб чиқариш ва хизмат кўрсатиш жараёнлари, янги иш ўринлари яратиш бўйича олиб борилаётган фаолият билан танишилди.
Шунингдек, тадбиркорлар билан мулоқот қилиниб, уларни қийнаётган муаммо ва таклифлар эшитилди. Хусусан, инфратузилма, электр энергияси таъминоти, молиявий кўмак ва тадбиркорликни янада ривожлантиришга оид масалалар муҳокама қилинди.
Аниқланган муаммоларни ҳал этиш юзасидан тегишли ташкилотларга таклиф ва мурожаатлар киритиш бўйича чоралар белгиланди. Депутат томонидан тадбиркорлик субъектларини ҳар томонлама қўллаб-қувватлаш ва уларнинг муаммоларини ҳал этиш масалалари доимий эътиборда эканлиги таъкидланди.