Xalq deputatlari Qo‘qon shahar Kengashining 2026-yil 28-martdagi VII-19-28-11-166-K/26-sonli qarori ijrosi yuzasidan navbatdagi monitoring o‘tkazildi.

O‘rganish ishlari Yog‘ bozori mahalla fuqarolar yig‘ini, Chankatlik ko‘chasi 62-uyda istiqomat qiluvchi fuqaro A.Xasanov xonadonida amalga oshirildi.

Monitoringda Xalq deputatlari Qo‘qon shahar Kengashi kotibiyati mudiri A.Nosirov, kotibiyat bosh mutaxassisi A.Adxamov, ishchi guruh a’zolari hamda Qo‘qon shahar “Inson” ijtimoiy xizmatlar markazi direktor o‘rinbosari I.Karimov ishtirok etdi.

O‘rganish davomida qaror asosida xonadonda olib borilayotgan yashil ta’mirlash ishlari holati ko‘zdan kechirildi. Shuningdek, amalga oshirilayotgan qurilish va ta’mirlash ishlari bo‘yicha tegishli hujjatlar mas’ullar tomonidan taqdim etildi.

Ishchi guruh a’zolari tomonidan:
qurilish ishlarining sifati;
belgilangan muddatlarga rioya etilishi;
foydalanilayotgan qurilish materiallarining yetarliligi va sifati;
ta’mirlash ishlarining amaldagi talablar asosida olib borilishi atroflicha o‘rganildi.

O‘rganish yakunida mas’ullarga ishlarni sifatli va o‘z vaqtida yakunlash, ajratilgan mablag‘lardan maqsadli foydalanish hamda fuqarolar uchun munosib yashash sharoitlarini yaratish yuzasidan tegishli tavsiyalar berildi.

Qaror ijrosi ustidan deputatlik va jamoatchilik nazorati izchil davom ettirilmoqda.

Xalq deputatlari Qo‘qon shahar Kengashi