Xalq deputatlari tuman Kengashining 2026-yilga belgilangan ish rejasiga muvofiq O‘zbekiston “Adolat” sotsial-demokratik partiyasidan saylangan deputati N.Nadirova tomonidan tumanning “Yangiqo‘rg‘on” mahallasiga biriktirilgan hokim yordamchisi A.Babajanova faoliyati o‘rganildi.

O‘rganish jarayonida hokim yordamchisi tomonidan 2026-yil boshidan mahallada istiqomat qiluvchi 30 nafar fuqarolarning bandligini ta’minlash, 4 ta oilani kambag‘allikdan chiqarish, 25 nafar fuqarolarga imtiyozli kreditlar ajratish orqali tadbirkorlikni rivojlantirish hamda fuqarolarning ijtimoiy-iqtisodiy muammolarini hal etish bo‘yicha amalga oshirilgan ishlar tahlil qilindi. Shu bilan birga, aholi murojaatlarini ko‘rib chiqish, ishsiz fuqarolarni doimiy daromad manbaiga ega qilish borasida olib borilayotgan ishlar bilan tanishildi.

“Ijtimoiy daftarlar” ro‘yxatlarga kiritilgan fuqarolar bilan ishlash holatlariga ham alohida e’tibor qaratilib, 21 nafar fuqarolar bilan ijtimoiy shartnoma tuzilganligi e’tirof etildi.

Uchrashuv yakunida aholi bandligini oshirish, tadbirkorlikni qo‘llab-quvvatlash va fuqarolar murojaatlari bilan ishlash samaradorligini yanada kuchaytirish bo‘yicha tegishli tavsiyalar berildi.