Депутат аҳоли билан учрашиб, муаммоларни ўрганди
ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Қодиров Икромжон Жўраевич сайлов округида жойлашган Қуйи Қораполвон маҳалласида бўлиб, аҳоли вакиллари билан учрашув ўтказди.
Учрашув давомида фуқаролар томонидан кўтарилган ижтимоий-иқтисодий масалалар, инфратузилма ҳолати, коммунал хизматлар сифати ҳамда аҳолини қийнаб келаётган бошқа муаммолар атрофлича муҳокама қилинди.
Депутат томонидан мурожаатлар жойида ўрганилиб, уларни ҳал этиш юзасидан тегишли ташкилотлар билан ҳамкорликда амалий чоралар кўриш белгиланди. Шунингдек, фуқароларнинг таклиф ва мулоҳазалари тингланиб, уларни ҳаётга татбиқ этиш бўйича зарур тавсиялар берилди.
Бундай учрашувлар аҳоли билан очиқ мулоқотни таъминлаш, ҳудудлардаги мавжуд муаммоларни ўз вақтида аниқлаш ва уларнинг ечимини топишда муҳим аҳамият касб этади.