КЎП ҚАВАТЛИ УЙЛАРНИНГ ЕРТЎЛА ҚИСМИ ВА МАВЖУД МУАММОЛАР ЎРГАНИЛДИ
Халқ депутатлари Янгиқўрғон тумани Кенгаши котибияти мудири Эргашева Мунисхон Рустамбековна ҳамда Халқ депутатлари Янгиқўрғон тумани Кенгашининг 21-Сутлибулоқ сайлов округи депутати Юлдашев Ғолибжон Турғунпўлатович томонидан Булоқбоши маҳалласи ҳудудида жойлашган кўп қаватли уйларда ўрганиш ишлари олиб борилди.
Ўрганиш жараёнида кўп қаватли уйларнинг ертўла қисмлари, муҳандислик-коммуникация тармоқлари, санитария ҳолати ва аҳолига яратилган шароитлар кўздан кечирилди. Хусусан, ертўлаларда сув тўпланиши, канализация тармоқларининг ҳолати, тозалик ва хавфсизлик масалалари атрофлича ўрганилди.
Шунингдек, аҳоли билан мулоқот қилиниб, улар томонидан билдирилган мурожаат ва таклифлар тингланди. Мавжуд муаммоларни бартараф этиш, ертўлаларни тозалаш, коммунал хизматлар сифатини яхшилаш ҳамда кўп қаватли уйларнинг техник ҳолатини яхшилаш бўйича тегишли ташкилотлар масъулларига вазифалар юклатилди.
Таъкидланганидек, аҳоли учун муносиб ва хавфсиз яшаш шароитларини яратиш, коммунал соҳадаги муаммоларни ўз вақтида ҳал этиш ҳамда фуқаролар мурожаатларига амалий ечим топиш борасидаги ишлар изчил давом эттирилади.