#24_tavsiya

Xalq deputatlari Angor tumani Kengashi 16-Zang saylov okrugi deputati Qulliyev Ergash tomonidan 24-tavsiya ijrosi doirasida 18-sonli umumta’lim maktabi faoliyati o‘rganildi.
O‘rganish jarayonida deputat, avvalo, maktab kutubxonasi faoliyati bilan tanishdi.

Kutubxonachi Xolmurodova Manzura tomonidan kutubxonada 15 mingdan ortiq kitob jamlanmasi mavjudligi, ushbu boy fond yosh avlodning ma’naviy va intellektual salohiyatini oshirishda muhim o‘rin tutishi haqida ma’lumot berildi.


Ta’kidlanganidek, kitob bolajonlarning nafaqat bilim manbai, balki ma’naviy kamolotiga xizmat qiluvchi bebaho boylikdir.
Shuningdek, deputat maktabda tashkil etilgan zamonaviy ta’lim jarayonlari bilan tanishib, monitor va axborot texnologiyalari orqali olib borilayotgan dars mashg‘ulotlarini kuzatdi. Ta’lim sifati va innovatsion yondashuvlarni keng joriy etish borasida amalga oshirilayotgan ishlar deputat tomonidan ijobiy baholandi.


Maktab hududida tashkil etilgan milliy qadriyatlar hamda Vatan faxriylari burchaklari deputat tomonidan alohida e’tirof etilib, yoshlarni vatanparvarlik ruhida tarbiyalash, ajdodlar merosi va faxriylar xizmatini qadrlash borasidagi bunday tashabbuslarning ahamiyati ta’kidlandi.