Deputat jol remontlaw jumısların úyrendi

♻️ Xalıq deputatları Shımbay rayonlıq Keńesi 10-sanlı “A.Pirniyazov” saylaw okrugi “Adolat” social-demokratik partiyası deputatı Q.Xamidullaev “Qamıs arıq” APJ aymaǵındaǵı ishki jollardın qayta ońlaw jumısları menen tanıstı.

Úyreniw dawamında jollardı ońlaw sapası, qurılıs materiallarınıń talaplarǵa muwapıqlıǵı hám jumıslardıń belgilengen múddetlerde orınlanıwı boyınsha úyreniwler alıp barıldı.

Deputat juwapker shólkemler hám jumıstı bólip alıp islewshiler menen sáwbetlesip, xalıq ushın qolaylı hám qáwipsiz háreketleniw sharayatların jaratıw áhmietli ekenligin atap ótti. Sonday-aq, máhálle puqaraları menen sóylesip, olardıń pikir-usınısların tıńladı.

Úyreniwler dawamında anıqlanǵan ayırım kemshiliklerdi saplastırıw boyınsha juwapkerlerge tiyisli usınıs hám tapsırmalar berildi. Jol infrastrukturasın jaqsılaw hám xalıqqa múnásip sharayatlar jaratıw jumısları deputatlıq qadaǵalawda dawam ettiriledi.