Aholi uchun obod, ozoda va qulay yashash muhitini yaratish, ko‘p qavatli uylar atrofidagi hududlarni tartibga keltirish hamda hududlarning sanitariya-obodonlashtirish holatini yaxshilash masalalari deputatlik nazoratining muhim yo‘nalishlaridan biridir.

Shu maqsadda Xalq deputatlari Termiz shahar Kengashining 15-“Tuproqqo‘rg‘on” saylov okrugi deputati D.Toshboyeva hamda Kengash kotibiyati bosh mutaxassisi R.Mamashukurov tomonidan “Tuproqqo‘rg‘on” mahallasidagi ko‘p qavatli uylar atrofida amalga oshirilayotgan obodonlashtirish ishlari ko‘zdan kechirildi.

Nazorat-tahlil tadbiri davomida ko‘p qavatli uylar atrofining obodonlashtirilishi, hududning sanitariya holati, mavjud muammolarni aniqlash hamda aholi uchun qulay shart-sharoitlarni ta’minlash borasidagi ishlarning holatiga e’tibor qaratildi.

Shuningdek, hududda obodonlashtirish ishlarini tizimli tashkil etish, aniqlangan kamchiliklarni bartaraf etish va aholining yashash sharoitlarini yanada yaxshilash yuzasidan mas’ullarga tegishli tavsiya va takliflar bildirildi.

Mazkur o‘rganish Oliy Majlis Senati tomonidan mahalliy Kengash deputatlari faoliyati uchun belgilangan “Mahalliy Kengash deputati faoliyatining eng muhim 24 ta yo‘nalishi” mezonlari asosida tashkil etildi.

Deputatlik nazoratining bunday amaliy shakllari hududlardagi mavjud masalalarni joyiga chiqqan holda aniqlash, ularning yechimini ta’minlash va aholi uchun munosib yashash sharoitlarini yaratishga xizmat qiladi.