Xalq deputatlari Jondor tumani Kengashi raisi L.Behbudova tumandagi 3-sonli umumta’lim maktabida 2 sentabr — Bilimlar kuni hamda 2026–2027-o‘quv yili boshlanishi munosabati bilan o‘tkazilgan tantanali tadbirda ishtirok etib, o‘quvchilar, ustozlar va ota-onalarni yangi o‘quv yili bilan samimiy tabrikladi.
🔵Tadbirda so‘zga chiqqan L.Behbudova ta’lim — jamiyat taraqqiyoti va mamlakat kelajagini belgilab beruvchi eng muhim omillardan biri ekanini ta’kidladi. Yoshlarning sifatli ta’lim olishi, zamonaviy bilim va ko‘nikmalarni egallashi uchun yaratilayotgan imkoniyatlardan samarali foydalanish zarurligi qayd etildi.
🔵Yangi o‘quv yili barcha o‘quvchilar uchun yangi bilimlar, ezgu maqsadlar va yuksak natijalar davri bo‘lishiga tilak bildirildi. Ayniqsa, maktab ostonasiga ilk bor qadam qo‘yayotgan bolajonlarga bilim olamida muvaffaqiyatlar tilab, ularning qalbida Vatanga muhabbat, ilmga intilish va ezgulik tuyg‘ularini shakllantirish muhimligi ta’kidlandi.
🔵Yangi o‘quv yili barchamizga muborak bo‘lsin! Bilimli va salohiyatli avlod — yurtimizning eng katta boyligidir!