Oltiariqda “Albion” xususiy maktabi ochildi 

Zamonaviy taʼlim tizimini rivojlantirish, farzandlarimizga sifatli bilim va tarbiya berish yoʻlidagi sayʼi-harakatlar
yana bir muhim natija bilan boyidi — tumanimizda "Albion" xususiy maktabining ochilish marosimi boʻlib oʻtdi. Marosimda Oltiariq tuman hokimi Sh.Turdaliyev, Oʻzbekiston Respublikasi xalq oʻqituvchisi, Xalq deputatlari tuman Kengashi raisi X.Rahimov va jamoatchilik vakillari ishtirok etdi. Sh.Turdaliyev va X.Rahimov soʻzga
chiqib, yangi maktab jamoasiga taʼlim-tarbiya sohasidagi ezgu ishlarida muvaffaqiyatlar tiladilar hamda yoshlarimizning zamonaviy bilim olishlari uchun yaratilayotgan bunday imkoniyatlarning ahamiyatini alohida taʼkidladilar. Ramziy tasma kesilib, yangi taʼlim dargohi rasman faoliyatga tushirildi. Maktabda oʻquvchi va ustozlar uchun yaratilgan zamonaviy sharoitlar bilan yaqindan tanishdilar.