Xalq deputatlari Sardoba tumani Kengashi kotibiyati mudirining 10-iyun ish rejasi ijrosi yuzasidan Xalq deputatlari Sardoba tumani Kengashi deputati J.Otajonov tomonidan Tibbiyot birlashmasida saylovchilar bilan navbatdagi uchrashuv tashkil etildi.
Uchrashuv davomida aholini qiynayotgan dolzarb masalalar, sog‘liqni saqlash tizimida amalga oshirilayotgan islohotlar, tibbiy xizmatlar sifatini yana-da yaxshilash hamda fuqarolarning murojaatlarini o‘z vaqtida hal etish masalalari muhokama qilindi. Saylovchilar o‘zlarini qiziqtirgan savollar, taklif va tashabbuslari bilan ishtirok etib, mavjud muammolar yuzasidan fikr-mulohazalarini bildirdilar.
Deputat J. Otajonov tomonidan bildirilgan murojaat va takliflar atroflicha o‘rganilishi, ularning ijrosini ta’minlash bo‘yicha tegishli choralar ko‘rilishi ta’kidlandi. Shuningdek, aholi bilan doimiy muloqot olib borish, ularning manfaatlarini himoya qilish va hududni ijtimoiy-iqtisodiy rivojlantirish deputatlik faoliyatining ustuvor yo‘nalishlaridan biri ekani qayd etildi.
Uchrashuv konstruktiv va ochiq muloqot ruhida o‘tib, fuqarolarning davlat va jamiyat boshqaruvidagi ishtirokini yana-da kuchaytirish, aholi manfaatlarini ta’minlash yo‘lida muhim ahamiyat kasb etdi.