“Bor mehrim senga – bolajon” xayriya aksiyasi doirasida aholining salomatligini qo‘llab-quvvatlash va insonparvarlik qadriyatlarini yana-da mustahkamlash maqsadida Sirdaryo qon quyish laboratoriyasi boshqarmasida begaraz qon topshirish tadbiri tashkil etildi.
Ushbu ezgu tashabbusda Sardoba tumanidan kelgan faol fuqarolar hamda “Adolat” SDP tuman Kengashi raisi deputat
B.Bekmurodov, partiya faollari O.Usmonov, Sh.Mamatqulov, F.Quroqov, F.Musayev va
B. Rasulovlar ishtirok etib, bemor bolajonlar va qonga ehtiyoji bo‘lgan insonlar hayotini saqlab qolish yo‘lida o‘zlarining munosib hissalarini qo‘shdilar.
Inson hayoti uchun eng qimmatli ne’matlardan biri bo‘lgan qonni begaraz topshirish orqali aksiya ishtirokchilari mehr-oqibat, saxovat va bag‘rikenglik kabi yuksak insoniy fazilatlarni yana bir bor namoyon etdilar.
Bunday xayrli ishlar jamiyatimizda o‘zaro hamjihatlik va insonparvarlik muhitini mustahkamlashga xizmat qilishi shubhasiz.