FUQAROLAR MUROJAATLARI – DEPUTAT E’TIBORIDA

Xalq deputatlari Quva tuman Kengashiga 6-Tolmazor saylov okrugidan saylangan
deputat A.Dadajonov hamda tuman Kengashi kotibiyati bosh mutaxassisi
M.To‘xtasinov tomonidan Tolmazor mahallasida istiqomat qiluvchi fuqarolar bilan
ochiq muloqot va sayyor qabul o‘tkazildi.

Uchrashuv davomida aholining turmush sharoitini yanada yaxshilash, ijtimoiy
soha, bandlik, kommunal xizmatlar, yo‘llar holati hamda boshqa dolzarb
masalalar yuzasidan murojaat va takliflar tinglandi.

Qabul jarayonida har bir murojaat atroflicha o‘rganilib, ularni qonunchilik
doirasida hal etish yuzasidan tegishli tavsiya va tushuntirishlar berildi. Qo‘shimcha o‘rganish talab etadigan masalalar esa nazoratga olinib,
mutasaddi tashkilotlarga deputatlik nazorati tartibida tegishli so‘rov va
murojaatlar kiritish belgilandi.