ТОМОРҚАДАН УНУМЛИ ФОЙДАЛАНИШ ВА ОБОДОНЛАШТИРИШ ҲОЛАТИ ЎРГАНИЛДИ
Халқ депутатлари Янгиқўрғон туман Кенгаши депутати Ғайбуллаев Шавкатжон Муҳаммаджон ўғли томонидан сайлов округида жойлашган маҳаллада аҳоли томорқаларидан унумли фойдаланиш, кўчаларни ободонлаштириш ҳамда санитария ҳолатини яхшилаш бўйича ўрганиш ишлари олиб борилди.
Ўрганиш давомида хонадонларда томорқадан самарали фойдаланиш, экин экиш, озиқ-овқат маҳсулотлари етиштириш орқали оила даромадини ошириш масалалари юзасидан аҳоли билан суҳбат ўтказилди.
Шунингдек, маҳалла ички кўчаларида ободонлаштириш, тозаликни сақлаш, ариқ-зовурларни тартибга келтириш ва яшил ҳудудларни кўпайтириш бўйича амалга оширилаётган ишлар кўздан кечирилди.
Депутат томонидан аниқланган камчиликлар юзасидан масъулларга тегишли тавсиялар берилди ҳамда мазкур масалалар депутатлик назоратига олинди.