Xalq deputatlari Qo‘shko‘pir tuman Kengashi deputati Intizor Abdullayeva joriy yilning 5-may kuni Kenagas mahallasida joylashgan 11-maktabda pedagoglar bilan uchrashuv o‘tkazdi. Unda O‘zbekiston Respublikasining “Iste’mol krediti to‘g‘risida”gi 33-sonli Qonunining mazmun-mohiyati, fuqarolarning moliyaviy huquq va manfaatlarini himoya qilishdagi o‘rni atroflicha tushuntirildi.

Uchrashuv davomida deputat tomonidan mamlakatimizda olib borilayotgan iqtisodiy islohotlar, aholi farovonligini oshirishga qaratilgan qonunchilik tashabbuslari hamda moliyaviy savodxonlikni yuksaltirishning dolzarb ahamiyati ta’kidlandi. Shuningdek, pedagoglarning bu boradagi bilim va ko‘nikmalarini mustahkamlash orqali jamiyatda huquqiy madaniyatni oshirish muhim vazifa ekani qayd etildi.