Халқ депутатлари Янгиқўрғон туман Кенгаши депутати Эргашева Мунисхон Рустамбековна ўз сайлов округида жойлашган 18-сонли мактабгача таълим ташкилотида бўлди.

Ташриф давомида муассасада болалар учун яратилган шарт-шароитлар, таълим-тарбия жараёнлари, хоналарнинг ҳолати, озиқ-овқат таъминоти ҳамда санитария-гигиена талабларига риоя этилиши ўрганилди.

Жумладан, озиқ-овқат маҳсулотларини сақлаш ҳолати, уларнинг яроқлилик муддатлари, омборхоналардаги ҳарорат режими ва санитария талабларига амал қилиниши алоҳида эътибор марказида бўлди.

Шунингдек, тарбиячилар ва муассаса масъуллари билан суҳбат ўтказилиб, мавжуд муаммолар, таклифлар ҳамда уларни бартараф этиш масалалари муҳокама қилинди.

Депутат томонидан аниқланган масалалар юзасидан тегишли чоралар кўриш ва зарур ҳолларда депутатлик сўрови юбориш белгиланди.

Slide 1 of 3