QONUNLAR IJROSI DEPUTATLAR DIQQAT MARKAZIDA

​Xalq deputatlari Yangibozor tuman Kengashi raisi D.Artiqova, kotibiyat mudiri A.Matyakubova hamda shu hududdan saylangan deputat O.Masharibov "Qiyot" mahallasida joylashgan 26-sonli maktabgacha ta'lim tashkilotida bo‘ldi.

Xalq vakillari O‘zbekiston Respublikasining "Maktabgacha ta'lim va tarbiya to'g'risida"gi Qonunining 

13-moddasi hamda “Ta’lim to‘g‘risida”gi Qonuni 8-moddasi ijrosini ta’minlash, ya’ni maktabgacha ta’lim va tarbiya jarayonlarining tashkil etilishi holati yuzasidan o‘rganish ishlarini olib bordilar.

​🔍 O‘rganish jarayonida quyidagilar aniqlandi:

​Bog‘cha binosi loyiha bo‘yicha 90 o‘ringa mo‘ljallangan;

​Amalda esa tarbiyalanuvchilar soni 147 nafarni tashkil etmoqda.

​⚖️ Muassasadagi sig‘im darajasi belgilangan me’yordan yuqoriligini inobatga olib, ushbu masalani ijobiy hal etish va bolajonlar uchun munosib sharoit yaratish maqsadida deputat tomonidan mutasaddi tashkilotlarga deputatlik so‘rovi yuborildi.