Халқ депутатлари Янгиқўрғон туман Кенгаши котибиятида иш куни ходимларнинг ишга ўз вақтида келиши, хизмат вазифаларини самарали ташкил этиш ҳамда кунлик режаларни белгилаб олишга бағишланган йиғилиш билан бошланди.

Йиғилиш давомида ижро интизомини мустаҳкамлаш, фуқаролар мурожаатларини ўз вақтида ўрганиб чиқиш ҳамда уларга белгиланган муддатларда жавоб хатлари юборилишини назорат қилиш вазифалари бош мутахассислар зиммасига юклатилди.

Шунингдек, депутатлик сўровларини ўз вақтида юбориш, уларнинг ижросини мониторинг қилиб бориш ҳамда бугунги кунда ўтказиладиган доимий комиссия йиғилишларини юқори савияда ташкил этиш бўйича тегишли топшириқлар берилди.

Кенгаш қарорларини қонунчилик талаблари асосида, белгиланган муддатларда қабул қилиш ва расмийлаштириш юзасидан ҳам масъул ходимларга аниқ вазифалар белгилаб берилди.

Йиғилиш якунида барча масъулларга хизмат вазифаларини сидқидилдан бажариш, ижро интизоми ва масъулиятни янада кучайтириш, мурожаатлар билан ишлашда тезкорлик ва самарадорликни таъминлаш бўйича кўрсатмалар берилди.