Múnásibet

Ózbekstan Respublikası Húkimetiniń 2025-jıl 11-noyabrdegi 715-sanlı qararı menen "Sociallıq qorǵaw pidayısı" kókirek belgisi haqqındaǵı reje tastıyıqlandı.

Bul qarar sociallıq qorǵaw tarawında pidayı miynet etip atırǵan, xalıqtıń járdemge mútáj qatlamların qollap-quwatlaw, insan qádirin ulıǵlaw jolında nátiyjeli jumıs alıp barıp atırǵan qánigelerdiń miynetin múnásip bahalawǵa qaratılǵan.

"Sociallıq qorǵaw pidayısı" kókirek belgisi tarawda uzaq jıllıq hadal miynet, joqarı juwapkershilik hám kásiplik sadıqlıqtı tán alıw, sonday-aq, jámiette sociallıq ádillik hám keńpeyillik ideyaların jáne de bekkemlewge xızmet etedi.

Bul qarar sociallıq qorǵaw sistemasın rawajlandırıw, tarawda jumıs alıp barıp atırǵan xızmetkerlerdi xoshametlew hám olardıń abırayın arttırıwda úlken áhmietke ie, dep esaplayman. 

Xalıq deputatları Qanlıkól rayonlıq Keńesi deputatı Pirnazarov Qunnazar