2026-jıldan baslap Tashkent qalasında máhálle sistemasında áhmietli ózgerisler engiziledi.

Endi "máhálle jetiligi" tolıq qala hákimliginiń ıqtıyarına ótedi. Onıń tiykarǵı maqseti - máhálledegi jumıslardı tártipke salıw, juwapkershilikti anıq belgilew hám xalıqtıń mashqalaların tezirek sheshiw bolıp esaplanadı.

Jańa sistemada máhállede islep atırǵan hár bir juwapker xızmetkerdiń jumısı nátiyjege qarap bahalanadı. YAǵnıy, jumıs qaǵazda emes, ámelde kórinedi. Sonıń ushın olar ushın arnawlı nátiyjelilik kórsetkishleri - KPI engiziledi.

Eń áhmietlisi, artıqsha esabatlar, kereksiz qaǵazpazlıq hám tákirarıy hújjetler biykar etiledi. Bul bolsa máhálle xızmetkerlerine xalıq penen tikkeley islesiw, mashqalalardı ornında sheshiw ushın kóbirek waqıt hám imkaniyat beredi.

Bul ózgerisler xalıq ushın ne beredi?

Bárinen burın, múrájatlar tezirek kórip shıǵıladı.

Máhálle xızmetkerleri xalıqqa jaqın boladı.

Mashqalalar artıqsha áweregershiliksiz sheshiledi.

Maqsetimiz bir - máhálle xalıqqa xızmet etetuǵın, jumısı nátiyjeli hám ashıq sistemaǵa aylanıwı. 

Xalıq deputatları Qanlıkól rayonlıq Keńesi deputatı Otambetova Húrliman Qazaǵbaevna