Aholining bandligi va sanitariya-epidemiologik osoyishtaligi masalalari muhokama qilindi

Xalq deputatlari Qiziltepa tumani Kengashi deputati M. Karimova o‘z saylov okrugidagi aholi bilan uchrashib, fuqarolarni kambag‘allikdan chiqarish, ish bilan ta’minlash, bandligini ta’minlash hamda doimiy daromad manbaiga ega bo‘lishlari yuzasidan mahalla yettiligi va mahalla oqsoqollari bilan fikr almashdi.

Uchrashuv davomida hududdagi oilalarning ijtimoiy holatini yaxshilash, mehnatga layoqatli fuqarolarni ishga joylashtirish, mavjud imkoniyatlardan samarali foydalanish hamda aholi daromadlarini oshirish bo‘yicha amalga oshirilayotgan ishlar muhokama qilindi.

Fuqarolarga O‘zbekiston Respublikasining 2015-yil 26-avgustdagi O‘RQ-393-son “Aholining sanitariya-epidemiologik osoyishtaligi to‘g‘risida”gi Qonunining mazmun-mohiyati tushuntirildi.