Xalq deputatlari Paxtakor tuman Kengashi 3-“Navbahor” saylov okrugi deputati Mirzayev Sherzod “Chamanzor” mahallasida joylashgan 14-DMTTda o‘rganish ishlarini olib bordi.

O‘rganish jarayonida maktabgacha ta’lim muassasasining moddiy-texnik bazasi, bolalar uchun yaratilgan sharoitlar, ta’lim-tarbiya jarayonining tashkil etilishi hamda muassasada mavjud muammolar atroflicha ko‘zdan kechirildi. Shuningdek, tarbiyachilar va mas’ullar bilan suhbat o‘tkazilib, tizimni yanada yaxshilash bo‘yicha taklif va mulohazalar tinglandi.

Deputat tomonidan aniqlangan masalalarni hal etish yuzasidan tegishli tashkilotlar bilan hamkorlikda chora-tadbirlar belgilash zarurligi ta’kidlandi. Muassasa faoliyatini yanada takomillashtirish, bolalar uchun qulay va xavfsiz sharoit yaratish bo‘yicha tavsiyalar berildi.