Yig‘ilishda Kengash Kotibiyati mudiri tomonidan Yoshlar maslahat guruhining asosiy maqsad va vazifalari, faoliyatini tashkil etish tartibi, a’zolarning huquq va majburiyatlari, shuningdek, yoshlarning hududdagi ijtimoiy-siyosiy hayotdagi ishtirokini yanada faollashtirish masalalari yuzasidan batafsil ma’lumot berildi. Yoshlar maslahat guruhi faoliyatini samarali yo‘lga qo‘yish, yoshlar muammolarini o‘rganish va ularning yechimiga qaratilgan takliflarni shakllantirish, tuman Kengashining doimiy komissiyalari bilan hamkorlikni kuchaytirish yuzasidan zarur tavsiyalar bildirildi.

Shuningdek, yig‘ilish davomida Yoshlar maslahat guruhi faoliyatini ochiqlik va oshkoralik tamoyillari asosida tashkil etish, uning yig‘ilishlarini muntazam o‘tkazish hamda yoshlarning tashabbus va takliflarini amaliyotga tatbiq etish masalalari muhokama qilindi.

Yakunda tumandagi 56 ta mahalla fuqarolar yig‘inining sportga ixtisoslashganlik drayverlarini aniqlash yuzasidan Yoshlar maslahat guruhi a’zolari o‘rtasida vazifalar taqsimlanib, tegishli o‘rganishlarni amalga oshirishga kelishib olindi.