O‘zbekiston Respublikasining “Fuqarolarning reproduktiv salomatligini saqlash to‘g‘risida”gi Qonuni ijrosi tumanda ta’minlanishi holatini o‘rganish bo‘yicha tashkil etilgan ishchi guruhning tashkiliy yig‘ilishi bo‘lib o‘tdi.

Yig‘ilishda ishchi guruh a’zolariga mazkur Qonun ijrosini joylarda o‘rganish, sohaga oid mavjud holatni tahlil qilish hamda aniqlangan muammo va kamchiliklarni bartaraf etish yuzasidan takliflar ishlab chiqish bo‘yicha tegishli vazifalar belgilab berildi.

Shuningdek, o‘rganishlarni tizimli va xolisona tashkil etish, tibbiyot muassasalarida reproduktiv salomatlikni muhofaza qilish sohasida amalga oshirilayotgan ishlar samaradorligini baholash hamda qonun hujjatlari ijrosi yuzasidan tahliliy ma’lumotlarni shakllantirish masalalari muhokama qilindi.

Yig‘ilish yakunida ishchi guruh tomonidan o‘rganishlarni belgilangan reja-grafik asosida amalga oshirish hamda yakunlari bo‘yicha tegishli xulosa va takliflarni xalq deputatlari tuman Kengashiga kiritishga kelishib olindi.