Deputat kóp qabatlı jaylardıń jaǵdayın úyrendi

⚡️ Xalıq deputatları Shımbay rayonlıq Keńesi 22-sanlı “Kúnxoja” saylaw okrugi ÓzLIDEP deputatı K.Turımbetov hám sekretariat bas qániygesi Sh.Ametov “Shaxtemir” MPJ aymaǵındaǵı kóp qabatlı jaylardıń jaǵdayı úyrenildi.

Úyreniw dawamında kóp qabatlı turaq jaylardıń sırtqı hám ishki jaǵdayı, ulıwma paydalanıw orınları, kiriw jolları, tóbesi, injenerlik-kommunikaciya tarmaqları hám abadanlastırıw jumıslarına ayrıqsha itibar qaratıldı.

Sonday-aq, turaq jaylardı saqlaw hám olarǵa xızmet kórsetiw sapası, aymaqtaǵı sanitariyalıq-tazalıq jaǵdayı, shıǵındılardı óz waqtında alıp shıǵıw, ishki jollar hám átiraptı abadanlastırıw boyınsha ámelge asırılıp atırǵan jumıslar kózden ótkerildi.

Kóp qabatlı turaq jaylarda jasaytuǵın xalıq penen sáwbet ótkerilip, olardı qıynap atırǵan mashqalalar, usınıs hám múrájatlar úyrenildi. Anıqlanǵan máselelerdi tiyisli shólkemler menen birgelikte sheshiw, turaq jaylardıń texnikalıq jaǵdayın jaqsılaw hám xalıq ushın qolaylı sharayatlar jaratıw boyınsha juwapkerlerge tiyisli usınıslar berildi.

Úyreniw juwmaǵında anıqlanǵan kemshiliklerdi saplastırıw, kóp qabatlı turaq jaylarǵa xızmet kórsetiw sapasın arttırıw hám xalıqtıń jasaw sharayatların bunnan bılay da jaqsılaw boyınsha zárúr ilajlardı ámelge asırıw belgilendi.