Deputat “Qaraqalpaq suw támiyinatı” AJ Shımbay filialınıń jumısı úyrenildi

⚡️ Xalıq deputatları Shımbay rayonlıq Keńesi 22-sanlı “Kúnxoja” saylaw okrugi ÓzLIDEP deputatı K.Turımbetov Ózbekstan Ekologiyalıq partiyası rayonlıq Keńesi baslıǵı K.Sarıbaev tárepinen “Qaraqalpaq suw támiyinatı” AJ Shımbay filialınıń xızmetiniń jumısı úyrenildi.

Úyreniw dawamında filial tárepinen xalıqqa ishımlik suw jetkerip beriw boyınsha atqarılıp atırǵan jumıslar, suw menen támiyinlew tarmaqlarınıń búgingi jaǵdayı hám olardıń texnikalıq jaqtan sazlıǵı kórip shıǵıldı.
Sonday-aq, aymaqtaǵı suw qubırlarınıń jaǵdayı, eskirgen hám avariyalıq bólimlerdi jańalaw, suw jetkerip beriwde júz beretuǵın úzilislerdiń aldın alıw hám aniqlanǵan nosazlıqlardı tez arada saplastırıw boyınsha isler úyrenildi.
Puqaralardan kelip túsken suw menen támiyinlewge baylanıslı múrájáátler, olardı kórip shıǵıw hám sheshim tabıw mexanizmleri de itibarǵa alındı. Xalıqqa kórsetilip atırǵan xızmetlerdiń sapasın jáne de jaqsılaw, suw jetkerip beriwde turaqlılıqtı támiyinlew hám puqaralardıń múrájáátlerine óz waqtında juwap beriw máselesi boyınsha pikir almasıldı.
Bunnan tısqarı, suw menen támiyinlew tarmaqların keńeytiw, jańa suw qubırların tartıw, suw ótkiziwshi infrastrukturanı jańalaw hám rayon aymaǵında xalıqtı sapalı ishımlik suw menen támiyinlewdi jaqsılaw boyınsha aldaǵı wazıypalar belgilendi.

Úyreniw nátiyjesi boyınsha aniqlanǵan kemshiliklerdi saplastırıw, suw menen támiyinlewdegi mashqalalardı sheshiw hám xalıqqa kórsetiletuǵın xızmetlerdiń sapasın arttırıw boyınsha tiyisli usınıslar berildi.