Xalq deputatlari Bag‘dod tumani Kengashining "18-Do‘rmancha” saylov okrugi deputati A.Umurzaqov hamda Kengash Kotibiyati bosh mutaxassisi U.Raximjonov tomonidan “Istiqlol” mahalla fuqarolar yig‘ini hududida 2026-yilgi ijtimoiy-iqtisodiy rivojlantirish dasturiga kiritilgan loyiha ijrosi joyiga chiqib o‘rganildi.

Mazkur mahalla Xalq deputatlari Bag‘dod tumani Kengashining 2026-yil 11-fevraldagi VII-18-8-11-152-K/26-sonli qarori bilan og‘ir hudud sifatida belgilangan.

O‘rganish davomida hududda aholi tomorqalarini sug‘orish imkoniyatlarini yaxshilash, suvdan samarali foydalanish hamda qishloq xo‘jaligi mahsulotlari yetishtirish uchun qulay shart-sharoit yaratish maqsadida amalga oshirilgan ishlar ko‘zdan kechirildi.

Loyiha doirasida 2 kilometr sug‘orish tarmog‘ini betonlashtirish rejalashtirilgan bo‘lib, belgilangan ishlar to‘liq yakunlangan.

Natijada mahalla aholisi tomorqalarini sug‘orishda yanada qulay sharoitga ega bo‘lib, suvning samarali yetkazib berilishi ta’minlanmoqda.

2 km sug‘orish tarmog‘i betonlashtirildi
Aholining tomorqalarini sug‘orish imkoniyati yaxshilandi
Hudud infratuzilmasini rivojlantirishga xizmat qiluvchi loyiha yakunlandi