“Keksa yoshdagilar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘zbekiston Respublikasining 2016-yil 26-dekabrdagi O‘RQ-415-sonli Qonuni talablari ijrosini ta’minlash borasida Olmaliq shahrida muayyan ishlar amalga oshirilmoqda.

Xususan, Xalq deputatlari Olmaliq shahar Kengashi 1-okrug deputati Faxriddin Matasimov hamda Kengash kotibiyati bosh mutaxassisi Mukarram Nematullayeva boshchiligida shahardagi “So‘fi Olloyor” mahallasida faoliyat yuritayotgan ijtimoiy xodimning ish samaradorligi maxsus savolnoma asosida atroflicha o‘rganib chiqildi.
📊O‘rganish davomida:
♻️Mahallada istiqomat qiluvchi ijtimoiy himoyaga muhtoj oilalar, e’tiborga muhtoj keksalar va nogironligi bo‘lgan shaxslarga ko‘rsatilayotgan amaliy yordam holati tahlil qilindi.
🔰O‘RQ-415-sonli Qonunda belgilangan ijtimoiy xizmatlarning o‘z vaqtida va sifatli taqdim etilayotgani ko‘rib chiqildi.
♻️Aholi ehtiyojlarini aniqlash va ularni manzilli qo‘llab-quvvatlash bo‘yicha ijtimoiy xodimning savolnoma bo‘yicha olib borayotgan ishlari baholandi.

🤝 Xulosa va kelgusi vazifalar
O‘rganish natijalari shuni ko‘rsatdiki, mahallada ijtimoiy ko‘makka muhtoj fuqarolarni har taraflama qo‘llab-quvvatlash, ularga munosib turmush sharoitini yaratish bo‘yicha tizimli ishlar yo‘lga qo‘yilgan. Bajarilgan ishlar bilan bir qatorda, aniqlangan taklif va mulohazalar asosida ijtimoiy xizmatlar sifatini yanada oshirish borasida tegishli tavsiyalar berildi.

Keksa va ko‘makka muhtoj fuqarolarimizga e’tibor hamda g‘amxo‘rlik ko‘rsatish — deputatlik faoliyatimizning eng ustuvor yo‘nalishlaridan biridir.