MINCHINOR KO‘CHASIDA O‘RGANISH ISHLARI AMALGA OSHIRILDI 

Xalq deputatlari Quva tuman Kengashi deputati M.Rahimov hamda tuman
Kengashi kotibiyati bosh mutaxassisi A.Fozilov tomonidan Turk mahalla fuqarolar
yig‘inining Minchinor ko‘chasida o‘rganish ishlari olib borildi. 

O‘rganish davomida ko‘chaboshi O.Hasanova hamda ko‘cha aholisi bilan
muloqot qilinib, hududdagi mavjud muammolar va fuqarolarning takliflari
o‘rganildi. 

Suhbat jarayonida ko‘chaboshi O.Hasanova hamda aholi ko‘p qavatli uylar
hududida bolalar uchun zamonaviy o‘yingoh barpo etish zarurligini bildirdi.
Deputat mazkur taklif yuzasidan qonunchilikda belgilangan tartibda tegishli
choralar ko‘rilishini ma’lum qildi. 

O‘rganish yakunida fuqarolar tomonidan bildirilgan taklif va murojaatlar
“Deputatning ko‘cha aylanish daftari”ga qayd etilib, ularning ijrosi nazoratga
olindi.