Xalq deputatlari Olmaliq shahar Kengashi deputati Lenura Baydullayeva “Saxovat” va Mahmudxo‘ja Behbudiy mahallalari fuqarolari bilan ochiq muloqot o‘tkazdi.
16-sonli umumta’lim maktabi binosida tashkil etilgan uchrashuvda deputatning 2026-yilning I yarim yilligi (6 oy) davomida amalga oshirgan ishlari yuzasidan hisoboti tinglandi.

🎥Uchrashuv avvalida Xalq deputatlari shahar Kengashi kotibiyatidan biriktirilgan vakil Muhriddin Begmatov tomonidan deputat Lenura Baydullayevaning okrugda amalga oshirgan ishlari, erishilgan natijalar va aholi murojaatlari yechimiga bag‘ishlangan taqdimot namoyish etildi.

🔹 Uchrashuvda:
“Mahalla yettiligi” vakillari;
Mas’ul tashkilotlar mutasaddilari;
Mahalla fuqarolari va faollari.
💡 Muloqot natijalari va murojaatlar

Ko‘tarinki ruhda va samarali kechgan uchrashuv yakunida fuqarolar tomonidan quyidagi sohalarga oid murojaat hamda takliflar bildirildi:
🎓 Ta’lim masalalari;
🚰 Suv ta’minotini yaxshilash;
🌳 Hududlarni obodonlashtirish.

E’tibor markazida: Bildirilgan barcha murojaatlar deputat tomonidan qayd qilish jurnaliga kiritildi hamda ijro etish uchun uchrashuvda qatnashgan mas’ul tashkilotlarga yo‘naltirilib, aniq muddatlar belgilandi.