“TASHABBUSLI BUDJET” LOYIHASI DOIRASIDAGI TA’MIRLASH ISHLARI O‘RGANILDI 

Xalq deputatlari Quva tuman Kengashi kotibiyati mudiri R.Nodirov, tuman
Kengashi deputati B.Abduraximov, Kengash huzuridagi Yoshlar maslahat guruhi
rahbari J.Abdurashidov hamda kotibiyat bosh mutaxassisi M.To‘xtasinov tomonidan
2026-yilgi “Tashabbusli budjet” loyihasi doirasida g‘olib deb topilgan 42-son
umumiy o‘rta ta’lim maktabi binolarini mukammal ta’mirlash bo‘yicha olib
borilayotgan ishlar holati o‘rganildi. 

Mazkur loyiha “SSS BLESSING RESIDENSES” MChJ tomonidan amalga oshirilmoqda.
Loyihaning umumiy qiymati 1 mlrd 606,4 mln so‘mni tashkil etadi. 

O‘rganish davomida ta’mirlash ishlarining joriy holati, bajarilayotgan
ishlarning sifati, loyiha talablari va belgilangan muddatlarga rioya etilishiga
alohida e’tibor qaratildi. Shuningdek, qurilish jarayonini sifatli tashkil
etish hamda ob’ektni belgilangan muddatda foydalanishga topshirish yuzasidan
mas’ullarga tegishli tavsiyalar berildi.